Meine Ansicht
Das hier ist ein Ausschnitt aus einem Text, dehn ich in einer Nacht und Nebel-Aktion geschrieben habe.
Ich finde dies so im Nachhinein interessant zum Nachlesen und teile es mit euch.
Der Text ist in Berndeutsch: fragt mich bei Unklarheiten
Folgend si es paar Begriffe ufgfüehrt, wie igs gseh. Falls du du mit einige Ahsichte nid ihverstande bisch, de isch das dis gute Rächt e eigeti Ahsicht z ha. Die Ahsichte eigne sich oh als Dänkahstöss.
Glück
Was isch Glück? Wohär chunds? Das si Frage gsi, woni mi vor es paar Jahr gstellt ha. Zu dere Zit het mi jede aus de Glücklechi kennt, obwohl i innerlich oft trurig bi gsi. Doch a eim Tag hed sich alles gänderet. Denn hani d Erkenntnis kah, das Glück isch e Entscheidig. Wahres nachhaltiges Glück chund vo inne, tüf usem Härze. Das Glück besteit nid nur us eire einzige Entscheidig. Nei! Es isch e Entscheidig wo du jedes Mal uf z nöie entscheidisch
Leben
Z Läbe isch das wo du drus machsch. Es schribt dir niemer vor, wies z bestrite hesch. Es git oh keh goldene Pfad dür z Läbe. Du darfsch u söllsch interessiert, chindisch, experimentierfröidig, verrückt oder eifach du selbst si. Was wichtig isch, blib dir selber stehts tröi und lueg, dass es dir guet geit. Me darf sich nid vernachlässige, süsch wie wet me da nähr für anderi sorge?!
Liebe
Liebi isch ähnlisch wie Glück, wenn nid sogar z Gliche. Liebi isch das wo Mönsche ah tribt, wo Mönsche zu Höchstleistige tribt. Liebi isch wahrhaftig, bedingigslos und unändlich. Zbeste Mittel gäge negativi Gfüehl isch Liebi und Dankbarkeit. Lieb dis Läbe, lieb das wod machsch, lieb diner Mitmönsche, … und ganz wichtig Lieb di sälber, wiu du bisch de Ursprung vo de Liebi.
Erfolg
Z coole am Erfolg isch, dass es sich us Ahsträngig, Usduur, Kreativität und Einstellung zäme setzt. De Erfolg isch us vielne chline Erfolge zäme Gsetzt. Sobald de Erfolg us Kriterie besteit, wome cha selber beiflusse, de hesch d Chance de Erfolg oh z erreiche. Und wenns es Kriterium isch, wode nid chasch beihflusse, de fingsch wahrschinlich oh e Weg fürs es z umgah.
Einstellung & Werte
Mit persönliche Einstellung und persönliche Wärte navigiersch di dür z Läbe. Einstellunge und Werte si nid ih Stei gmeisselt u chöi nach Bedarf ahpasst wärde. Sie chöi mengisch oh ih änge oder sogar Gränze setze. Mängisch sis oh Gränze, wo eim nid bewusst si. Es isch wichtig, dass me siner Werte und Einstellunge kennt und sie weise wählt.
Photo Credits to Nitish Meena http://www.writeclickdesign.in/me/
Neueste Kommentare